බොරු අනාවැකි නිසා අපේ බිස්නස් වැටිලා - ජ්‍යොතිෂ්‍යවේදීන් විරෝධතා


ලංකාවේ පාරම්පරික පුරාණ ශාස්ත්‍රයක්වූ ජ්‍යොතිෂ්‍ය ඇසුරින් ශාස්ත්‍ර හීනයන් සිදුකරන වැරදි අනාවැකි හේතුවෙන් එම විෂය හෑල්ලුවට ලක්ව ඇති බවත් මේ දිනවල සිදුවන ග්‍රහමාරුව පිළිබඳ සත්‍ය කරුණු වසන් කර දේශපාලන වාසි ලබාගන්නන් නිසා තම පාරිභෝගිකයන්ද අතහැර යන තත්වයක් උදාවී ඇති බවත් සමස්ත ලංකා වෘත්තීය ජ්‍යොතිෂ්‍යෙව්දීන්ගේ සංගමය නිවේදනයක් නිකුත් කරමින් දන්වා ඇත.

මෙම නිවේදනයට
ආසන්නම හේතුව ලෙස දක්වා ඇත්තේ ජනපතිවරයා මියයන බවට විජිත රෝහණ නමැති පුද්ගලයෙකු සපයා ඇති ද්වේශසහගත ප්‍රබන්ධය බවද එම නිවේදනයේ දැක්වේ.
එම නිවේදනයේ මෙසේද සඳහන්වේ.
‘කැපී පෙනීමේ හීන මානසිකත්වයෙන් පෙළෙන මෙම පුද්ගලයා ඉන්දීය අගමැතිවරයාට පහරදී එකල කැපී පෙනීමට වෙරදැරීමෙන් පසු ලංකාවට අගෞරවයක් හා කැලලක්ද ඇති කර තිබුණ අයෙකි. පසුව ඔහු සිරගතවී සිටියදී සිර කූඩුවට ජ්‍යොතිෂ්‍ය පොත්පත් ගෙන්වාගෙන කියවා සිර කරුවන්ගේ හඳහන් බලා මෙම ශාස්ත්‍රය තනිවම ඉගෙන ගෙන ඇති බව පැහැදිලිය. ගුරුවරයෙකුගෙන් ජ්‍යොතිෂය ඉගෙන නොගැනීමේ ප්‍රතිඵලයක් ලෙස එහි ආචාර ධර්ම ගැන කිසිදු වැටහීමකින් තොරවූ ඔහු නැවත කැපී පෙනීමේ අටියෙන් ප්‍රකට පුද්ගලයින් මියයන බවට අනාවැකි පළකරන අතර ජ්‍යොතිෂ්‍යවේදිහු කිසිවෙකු මේ ආකාරයට කෙනෙකුගේ මරණයක් ගැන අනාවැකි කීම නොකරති.
සිරෙන් නිදහස්වූ පසු කැසට් පට අලෙවි කිරීමේ ව්‍යාපාරයකට අත ගසා ප්‍රබල ජාතිවාදීයෙකුවී සිටින ඔහු වයසින් මුහුකුරා ගියත් කැපී පෙනීමේ ආසාව අත්නොහැර ඇති බව මෙකී වැරදුණ අනාවැකියෙන්ද ඔප්පු කර ඇත.‘

එම නිවේදනයේ වැඩිදුරටත් දැක්වෙන්නේ මෙම අවභාවිතාව නිසා වෘත්තීය ජ්‍යොතිෂ්‍යව්දීන්ගේ වයාපාර කටයුතු වලටද බලපෑම් එල්ලවී ඇති බවකි.
Share on Google Plus

About Nayomi Kumari

Srilanka 24 Hours Online Breaking News Web Portal...
    Blogger Comment
    Facebook Comment

0 comments :

Post a Comment