ඊට ප්‍රදේශයේ සංචාරක ක්ෂේත්‍රෙය් නියුතු සියලු පාර්ශවයන්ගේම නියෝජිතයින් මෙන්ම දක්ෂිණ සංවර්ධන අධිකාරිය, සංචාරක සංවර්ධන මණ්ඩලය, වෙරළ සංරක්ෂණ දෙපාර්තමේන්තුව, ශ්‍රී ලංකා පොලීසිය, සුරිබදු දෙපාර්තමේන්තුව ඇතුළු සංචාරක ක්ෂේත්‍රයට සම්බන්ධ සියලුම රාජ්‍ය ආයතන වල නිලධාරීන් ද සහභාගී වීමට නියමිතය.
ඒ පිළිබඳ අදහස් දක්වමින් අමාත්‍ය සාගල රත්නායක මහතා මෙසේ ද කීය.
සංචාරකයන්ට උපරිම විනෝදයක් ලැබිය හැකිවන පරිදි සහ ප්‍රදේශවාසීන්ගේ සාමාන්‍ය ජන ජීවිතයට සංචාරක කර්මාන්තය නිසාවෙන් බාධා ඇති නොවන පරිදි සංචාරක ආකර්ෂණයට ලක්ව තිබෙන ප්‍රදේශ සංවර්ධන කටයුතු සිදුකළ යුතුයි. ඇත්තටම මිරිස්ස වගේ ප්‍රදේශ පසුගිය වසර දෙක තුන තුළ විශාල වශයෙන් ඉදිරියට ආවා. විශාල සංවර්ධනයක් ඇති වුණා. අපිට ආපහු හැරෙන්න බෑ. අඩුපාඩු හදාගෙන ඉදිරියට යා යුතුයි. දැනට මේ ක්ෂේත්‍රෙය් නිරත වෙලා ඉන්නට පිරිස් ඉදිරියට ගෙන යා යුතු වෙනවා වගේම අලුත් පිරිස් මේ ක්ෂේත්‍රය වෙත නැඹුරු කර ගත යුතු වෙනවා.
නමුත් පහුගිය දිනවල ඇති වුණු යම් යම් සිද්ධි නිසා යම් අවධානමක් ඇතිව තිබෙන නිසා අපි මේ සියලු කටයුතු සුපරික්ෂාකාරීව සිදු කළ යුතු වෙනවා. නීතියෙන්ම හැම දේම කරන්න බෑ. ඒ නිසා මේ ක්ෂේත්‍රයේ නිරත පාර්ශව ඔවුනොවුන් අතර අවබෝධයක් ඇතිකරගෙන ඉදිරියට යායුතු වෙනවා. එවිට ගැටුම් අඩුයි. ඒ නිසා තමයි විශේෂයෙන් මේ කමිටුව පත් කළේ. කමිටුව සක්‍රීයව තබා ගැනීම අනිවාර්යයි. මම මේ ගැන පුද්ගලිකව අවධානය යොමු කරනවා. මොකද සංචාරක ව්‍යාපාරය අපේ රටේ විශාල ආයෝජන අවස්ථා විවර කරන කර්මාන්තයක් බවට ඉදිරියේ දී පත්වෙනවා. අපි ඒ සඳහා සූදානම්ව සිටිය යුතුයි. ඒ සඳහා විශාල වගකීමක් සංචාරක ක්ෂේත්‍රෙය් නියුතු පාර්ශව වලටත් තියෙනවා. යැයි අමාත්‍යවරයා පැවසීය.
0 comments :
Post a Comment