අත්අඩංගුවට ගැනුණු ග්‍රාම නිලධාරිනිය දෙදරු මවක් වන අතර අටමස් ගැබිනියකි. ග්‍රාම නිලධාරීනිය සමග අනියම් සබඳතාවක් පැවැත්වූ ප්‍රජා වීශෝධන නිලධාරිවරයාද විවාහක පුද්ගලයෙකු බව පවසන පොලීසිය ඔහු තිදරු පියෙකු බවද පරීක්ෂණවලදී අනාවරණය වී ඇත.
පෙරේදා (16) අලුයම සැකාකාර ග්‍රාම නිලධාරිනිය තවත් පුද්ගලයන් දෙදෙනකු සමග ප්‍රජා විශෝධන නිලධාරියා නවාතැන් ගෙන සිටි නිවාඩු නිකේතනය කාමරයට පැමිණ මෙම ඝාතනය සිදුකළ බවට ප්‍රශ්න කිරීම්වලදී අනාවරණය විය. බරපතළ තුවාල ලද ප්‍රජා විශෝධන නිලධාරීයා හොරණ රෝහලට ඇතුළත් කිරීමෙන් අනතුරුව පොලීසිය වෙත ලබාදුන් ප්‍රකාශයක් ලබාදී තිබේ.
අත්අඩංගුවට ගත් ග්‍රාම නිලධාරිනිය මීට මාසයකට පමණ ඉහතදී ප්‍රජා විශෝධන නිලධාරීවරයාව මහමගදී ඝාතනය කිරීමට කළ සැලසුමක් සම්බන්ධයෙන්ද තොරතුරු අනාවරණය වෙමින් පවතින බවත් එදින ප්‍රජා විශෝධන නිලධාරිවරයාට ඇතිවූ සැකයක් මත එය ව්‍යර්ථ වී තිබෙන බවද හෙළිවී තිබේ.
ඝාතනයට ලක්වූ ප්‍රජා විශෝධන නිලධාරීවරයා සැකකාර ග්‍රාම නිලධාරිනිය සමග අනියම් සබදතාවක් පවත්වන අතර වාරයේ තවත් කාන්තාවක් සමග ඇසුරක් පවත්වා ඇති බවටද තොරතුරු ලැබී තිබේ.
අනෙක් සැකකරුවන් සෙවීම සඳහා පොලීසිය පරීක්ෂණ කටයුතු සිදුකරයි.
සැකකාරිය ඊයේ (17දා) හොරණ අධිකරණයට ඉදිරිපත් කිරීමට නියමිතව තිබිණි.
0 comments :
Post a Comment