සය සාමාජික ශ්‍රේෂ්ඨාධිකරණ විනිසුරු මඬුල්ලෙන් සාමාජිකයන් සිව් දෙනෙක්ම මෙහිදී තීන්දු කළේ පසුගිය මාසයේ පැවැත්වූ ජනාධිපතිවරණය ‘අක්‍රමිකතා’වලින් බහුල- නීතිවිරෝධී එකක් බවයි.
අවසන් ප්‍රතිඵලය අනුව උහුරු කෙන්යාටා විසින් 5427%ක ඡන්ද ප්‍රතිශතයක් දිනාගෙන ඇති බව පැවසිණි. ඒ අනුව ජනාධිපතිවරණයේ ජයග්‍රාහකයා වශයෙන්, දෙවන වටයේ ඡන්ද විමසීමකින් තොරව ඔහුගේ නම ප්‍රකාශයට පත්කිරීම ද සිදුව තිබිණි. මෙම මැතිවරණ පෙත්සම ගොනුකර තිබුණේ ජනපති උහුරු කෙන්යාටා සමග තරග වැදුණු, විරුද්ධ පක්ෂ නායක රයිලා ඔඩින්ගා විසිනි. රෙයිලා ඔඩින්ගා අගෝස්තු 8 මැතිවරණයේදී දිනාගෙන තිබූ ඡන්ද ප්‍රතිශතය 44.74%ක් විය.
මීට පෙර 2013 වසරේ දී උහුරු කෙන්යාටා කෙන්යාවේ සිව්වැනි ජනපති වශයෙන් තේරී පත්වූ විට එම මැතිවරණය ද දූෂිත බව කියමින් රයිලා ඔඩින්ගා ශ්‍රේෂ්ඨාධිකරණය හමුවට ගිය නමුත් එහිදී ඒකමතිකව තීරණය වූයේ මැතිවරණය නීත්‍යානුකූල ලෙස පැවැත්වූ බවයි. මෙවර නඩුව ඇසෙන අතරවාරයේ ඔඩින්ගා ශ්‍රේෂ්ඨාධිකරණ භූමියේ විරෝධතාවක් ද සංවිධානය කර තිබිණි.
මේ අතරවාරයේ කෙන්යාටා සහ මාගරට් ආර්යාව විවේක සුවය විඳිමින් අලි බලන්නට ගොස් සිටි ආකාරය ද විදෙස් මාධ්‍ය විසින් වාර්තා කර තිබේ. ඔවුන් දෙදෙනා එම ඡායාරූප සිය ෆේස්බුක් පිටුවේද පළ කර තිබිණි.
- අමාලි ජයවීර
0 comments :
Post a Comment