නිරූපිකාවක් සහ වෙළෙඳ දැන්විම් රංගන ශිල්පිණියක් ලෙස ඔබේ ආදරය දිනාගත් තනාෂා සතරසිංහ මේ වනවිට රංගන ශිල්පිණියක් ලෙසද කලා කටයුතු වල නිතරව සිටියි. ටෙලි නාට්‍යය කිහිපයකත් බොහෝ ගීත රූප රචනා ප්‍රමාණයකත් රංගනයෙන් දායක වී ඇති තානාෂා මේ වසරේදී චිත්‍රපට රැසකින් ඔබ හමුවට සූදානමින් සිටියි. ඒ පිළිබඳව තනාෂා අපිට මෙසේ තොරතුරු පැවසුවෙමු.
"ගිය අවුරුද්දේ රංගනයෙන් දායක වුණ චිත්‍රපට කිහිපයක්ම මේ අවුරුද්දේ ප්‍රදර්ශනය වෙන්න නියමිත වෙලා තියෙනවා. මම හිතනවා විදිහට මුලින්ම නලින් රාජපක්ෂ මහත්මයා අධ්‍යක්ෂණ්‍ය කළ "රන් දේදුන්න" කියන චිත්‍රපටය ප්‍රදර්ශනය වේවි. මේ මම සිනමාවට එක්වන පළමු චිත්‍රපටය නිසා මේ චිත්‍රපටය මට විශේෂ එකක්. "රන් දේදුන්න" චිත්‍රපටයේ මා රොෂාන් රණවන සමගින් ප්‍රධාන චරිත නිරූපණය කරනවා. චිත්‍රපටයේ හැටියට මම මාධ්‍යවේදිනියක් විදිහට තමයි චරිත මවන්නේ. "රන් දේදුන්න" චිත්‍රපටයෙන් පස්සේ මොහාන් නියාස් මහත්මයාගේ "බඹර වසන්තේ" චිත්‍රපටය තිරගත වෙන්න තියෙනවා. එහිත් මා ප්‍රධාන චරිතය නිරූපණය කරන්නේ. මේ දිනවල චන්න පෙරේරා මහත්මයාගේ "පුංචි විරයෝ" චිත්‍රපටයේ රූපගත කිරීම් කටයුතු වලට සම්බන්ධ වෙලා ඉන්නවා. මම හිතන විදිහට මේ චිත්‍රපට තුනම මේ අවුරුද්දේ ප්‍රදර්ශනය වේවි කියලා. ඊට අමතරව තවත් සිනමා නිර්මාණ කිහිපයකටම සම්බන්ධ වෙන්න ආරාධනා ලැබිලා තියෙනවා. ඒ අතර චිත්‍රපට කිහිපයක්ම මේ අවුරුද්දේ රූපගත කරන්න සූදානම් කරලා තියෙනවා."
0 comments :
Post a Comment