මෙලෙස ගෙන්වා ඇති එක් වාහනයක තීරුබද්ද පමණක් රුපියල් මිලියන 33 හමාරක් පමණ වන බවද මෙලෙස ගෙන්වා ඇති වාහන ඇතැම් ව්‍යාපාරික ස්ථානවල චැසි නම්බර් සහිතව ප්‍රදර්ශනයට තබා ඇති බවද ඒ මහතා පෙන්වා දෙයි.
රජයේ බදු ප්‍රතිපත්තිය උල්ලංඝණය කර මේ ආකාරයට වාහන ගෙන්වීම නිසා වසරකට රජයට රුපියල් බිලියන 40ක පමණ මුදලක් අහිමිවන බවට මුදල් අමාත්‍ය රවී කරුණානායක මහතා නොවැම්බර් 20දා අය වැය කතාවේදී සඳහන් කළ නමුත් එය ක්‍රියාත්මක කිරීමට නොහැකි වූ බවත් එය පෙර ආකාරයටම ක්‍රියාත්මක වන බව මෙයින් පෙනෙන්නට ඇති බවත් හෙතෙම සඳහන් කරයි.
තීරු බදු නොගෙවා මන්ත්‍රී වරප්‍රසාද භාවිතා කරමින් මෙලෙස ගෙන්වන එක් වාහනයකින් රුපියල් මිලියන 33 හමාරක මුදලක් රජයට අහිමි වන බවත් එම වාහන බලපත්‍රය මන්ත්‍රීවරයෙකුගෙන් ලබාගන්නා වෙළෙන්ඳෙකු එය විකුණා මන්ත්‍රීවරයාට මිලියන 25ක්ද, ඉතිරි මිලියන 8 හමාර ඔහුද ගන්නා බවත් මේ නිසා රජයට ශත 5කවත් බද්දක් නොලැබෙන බවත් ඒ මහතා සඳහන් කරයි.
තීරුබදු රහිතව වාහන ගෙන්වීමට අවසරදීමෙන් සිදුවන මෙම බදු වංචාවට එරෙහිව පරීක්ෂණ කරන්නැයි ඉල්ලා තමන් අල්ලස් කොමිසමේ අධ්‍යක්ෂ ජනරාල්වරියට පැමිණිලි කළ බවත් එසේ වුවද රාජ්‍ය ප්‍රතිපත්තිය ක්‍රියාත්මක කිරීම නිසා රජයට වන පාඩුව සම්බන්ධයෙන් අල්ලස් කොමිසමට මැදිහත්විය නොහැකි බවට එහි අධ්‍යක්ෂ ජනරාල්වරිය විසින් තමන්ට ලිපියකින් දැනුම්දුන් බවත් ඒ මහතා සඳහන් කරයි.
කෙසේ වුවද අල්ලස් පනතේ 4 වැනි වගන්තිය යටතේ විශ්වාසදායි හා විධිමත් විමර්ශනයක් සිදුකිරීමට අල්ලස් කොමිසමේ අධ්‍යක්ෂ ජනරාල්වරියට වගකීමක් ඇති බවද ඒ මහතා පෙන්වාදෙයි.
එහෙත් රාජ්‍ය ප්‍රතිපත්තිය යටතේ රජයේ බදු ප්‍රතිපත්තිය වූ කලී නීත්‍යානූකූල එකක් බැවින් ඊට වංචා කිරීමේ හැකියාවක් කිසිදු මහජන නියෝජිතයෙකුට නැති බැවින් ජනතාවට මේ සම්බන්ධයෙන් අධිකරණයේ පිහිට පැතිය හැකි බවද හෙතෙම පවසයි.
ඒ අනූව මන්ත්‍රීවරප්‍රසාද භාවිතා කර තමන් නමින් ආනයනය කරන වාහනයක් විකිණීම අල්ලස් පනතේ 70 වැනි වගන්තියට යටතේ අපරාධ වරදක් බවත් වාහනය විකිණිය හැක්කේ සම්පූර්ණ බදු ගෙවිය යුතු බවට අතුරු වගන්තියකින් සඳහන් කර ඇති බවත් ඒ මහතා සඳහන් කරයි.
කෙසේ වුවද මන්ත්‍රීවරුන් අයථා ලෙස මෙම බලපත්‍රය විකුණමින් විශාල මුදලක් තමන් සතු කරගන්නා අතරම වෙළෙන්දාට ද මිලියන ගණනක වාසියක් සිදුවන බවත් ඉන් බදු වශයෙන් රජයට ලැබිය යුතුව තිබූ කෝටි ගණනක මුදලක් අහිමි වී යන බවත් ඒ මහතා පෙන්වාදෙයි.
තමන් මේ ආකාරයෙන් හෙළිදරව් කිරීම් සිදුකරන්නේ කිසිදු දේශපාලන පක්ෂයක් සමග හෝ මහජන නියෝජිතයෙකු සමග අමනාපයකට නොව ජනතාවගේ පරමාධිපත්‍ය වෙනුවෙන් බවද ඒ මහතා වැඩිදුරටත් පෙන්වා දෙයි.
නීතිඥ නාගානන්ද කොඩිතුවක්කු මහතා සඳහන් කරන පරිදි එම මන්ත්‍රීන් 70 දෙනාගෙන් 66 දෙනෙකු විසින් ගෙන්වන ලද වාහනවල විස්තර පහතින් දැක්වේ.
0 comments :
Post a Comment