සාමාන්‍ය පෙළ අසමත් වූවන්
දිවි තොර කරගන්නට යාම් සිද්ධි 5 දක්වා ඉහළට
2 නෙකු මරුට
සාමාන්‍ය පෙළ විභාගයේ උසස් ප්‍රතිඵල ලැබූවන් ගැන වර්ණනාත්මක මාධ්‍ය වාර්තා පළ කෙරෙන අතරවාරයේ මේ විභාගය අසමත්වීම මත ජීවිත අහිමි කරගන්නට උත්සාහ දැරූවන් මෙන්ම එසේ දිවි තොරකරගත්තවුන් දෙදෙනෙකු පිළිබඳවද අනුවේදනීය ආරංචි අසන්නට ලැබේ.
කොළඹ ඇතැම් පාසල් ප්‍රධානීන් තම පාසලේ ඒ 9 ඒවා මෙච්චරයි ඒ 8 මෙච්චරයි කියන්නට මාධ්‍ය අමතා දුරකථන ඇමතුම් පවා ලබාදෙන්නේ
ඒ ඒ පාසල් අතර තිබෙන තරගකාරීත්වයක් නිසාය. නමුත් සමාජයේ සාමාන්‍ය පෙළ සාමාර්ථය ගැන ඇති කර තිබෙන අමුතු පිළිගැනීමම එය හරිහැටි සමත් කරගන්නට බැරිවූවන්ට පීඩාවක් ඇති කරවන බව බොහෝ දෙනා නොසිතති.
අනුරාධපුරයේ පදිංචි චමෝද් ලලන්ත උදයවර්ණ නමැති සිසුවා ජාඇළ,
දුම්රියට පැන මියගිය චමෝද් ලලන්ත උදයවර්ණ දෙවැනි වරටත් ගණිතය විෂය අසමත්වීම නිසා අනාගතයට බියවී සිටි බවත් ඒ ගැන මිතුරෙකුට දුරකථනයෙන් දන්වා තිබූ බවත් වාර්තා විය.
ඇඹරැල්ලා අත්තක එල්ලී මියගිය සිසුවිය ගණිත විෂය අසමත්ව නැති අතර ඇය මෙවර එම විෂයට සාමාන්‍ය සාමාර්ථයක් පමණක් හිමි වීම හේතුවෙන් සිත් තැවුලට පත්ව සිටි අයෙකි.
ඇය හෝමාගම ප්‍රදේශයේ පාසලක 12 වැනි වසරේ ඉගෙනුම ලබමින් සිට ඇත. ඇය ඉකුත් වසරේ සාමාන්‍ය පෙළ විභාගයේ ගණිත විෂයට පෙනී සිට ඇති අතර ඉන් ඇයට සාමාන්‍ය සාමාර්ථයක් හිමිව තිබිණි. ඉන් පසු කලා විෂය ධාරාවෙන් කලක් උසස් පෙළ හදාරා තිබේ. ඉන් පසුව පාසල් බලධාරීන්ට ගණිතය විෂයට සාමාර්ථයක් හෝ ඊට වැඩි ප්‍රතිඵලයක් ලබා දෙන බව පොරොන්දුවට ඇය කලා විෂයෙන් වාණිජ විෂය හැදෑරීමට අවස්ථාව ලබා ගෙන ඇත.ඇයට උසස් පෙළට වාණිජ විෂය කිරීමට ඉදිරියේදී නොහැකි වීම මත සිත් තැවුලෙන් සිට ඇත.
ගම්පොළ ප්‍රදේශයේ පදිංචි සිසුවියන් තිදෙනාද විභාගය අසමත් වීමෙන් දැඩි පීඩාවට පත්ව තමන් හට ජීවත් වීම පවා එපා වූ නිසා ඖෂධ භාවිත කළ බව පවසා ඇත.මේ අය වෙන වෙනම මෙම ක්‍රියාවන් සිදු කර ඇති බවත් එකිනෙකා හඳුනන්නෙ නැති බවත් වාර්තා විය. මින් එක් සිසුවියක් පැනඩෝල් පෙති 40ක් පමණ බී ඇති බවත් තවත් සිසුවියක් ආශ්වාසනය (ඉන්හෙලර්) සඳහා භාවිත කරන ඔෟෂධ කරල් අධික ලෙස පානය කිරීමෙන් මෙසේ රෝගී වී ඇති බව රෝහල් ආරංචි මාර්ග සඳහන් කරයි.
0 comments :
Post a Comment