ජාතික සමගියට කම්කරු ජවය යන්න තේමා කරගනිමින් මඩකලපුව චෙන්කලඩි මාවඩිවෙම්බු හිදී පැවතිශ්‍රී ලංකා නිදහස් පක්ෂය ප්‍රමුඛ එක්සත් ජනතා නිදහස් සන්ධානය මැයි රැළිය අමතමින් ජනපතිවරයා මේ බව ප්‍රකාශ කළේය.
“බලය ලබාගන්න පුළුවන්. බලය ලබාගන්න සමහර අය නොයෙකුත් දේවල් පෙන්වනවා. බලය ලබා ගැනීමේ සිහින වල ඉන්නවා. උතුරේ වේවා දකුණේ වේවා මේ රටේ තරුණ ජනතාව තුවක්කු අතට නොගන්නා යුගයක් ඇති කළ යුතුයි.
අපි රට වෙනුවෙන් වගකිම් කටයුතු කරන්න ඕන. බලය නැති අයට ඕන දෙයක් කියන්න පුළුවන්. හැමදෙනෙකුටම ආරාධනා කරන්නේ ජාතික සමගිය ඇති කිරීමේ වැඩපිළිවෙළ ක්‍රියාත්මක කරන්න කියලා.
සාමාන්‍ය ජනතාවගේ ප්‍රශ්න තිබෙනවා. ඒවා විසඳන්න අපි පසුගිය අවුරුදු තුන හමාරක විශාල කාර්යයක් ඉටුකළා. සෑම දේශපාලඥයෙක්ම අවංක වෙන්න ඕන. බලයට පමණක් ජනතාව රවට්ටන්න හොඳ නෑ.
වැඩපිළිවෙලක් නැතිව බලය ගන්න දගලනවා. ශ්‍රී ලංකා නිදහස් පක්ෂය ජනතාවට අලුත් වැඩපිළිවෙලක් ඉදිරිපත් කරනවා.
සමහර මගෙන් අහනවා මම 2020දී විශ්‍රාම යනවද කියලා.
මේ දවස්වල සමාජවෙබ් අඩවිවල හුඟක් යනවා මම 2020දී විශ්‍රාම යනවා කියලා. මම 2020දී විශ්‍රාම යන්නේ නෑ කරන්න ගොඩක් වැඩ තියෙනවා. අපිට අවශ්‍ය අලුත් වැඩපිළිවෙළක්.
සමහර අය සිහන මවනවා 2020දී අලුත් ආණ්ඩු හදන්න. අපේ ආණ්ඩුවෙත් සමහර අය 2020 ගැන කතාකරනවා. ඒ හිටපු අයටයි ඉන්න අයටයි ඔක්කොටම කියනවා අවංක දේශපාලනයක් වෙනුවෙන් සුදුසු අය සමග එකතුවෙන්න කියලා.”
16 කණ්ඩායමේ එස්.බී. මඩකලපු වේදිකාවේ
මෑතකදී ඇමති ධුරයන්ගෙන් ඉවත් වූ 16 කණ්ඩායමේ ප්‍රකාශකයා වන එස්.බී. දිසානායක මහතා ශ්‍රී ලංකා නිදහස් පක්ෂය විසින් අද (07) මඩකලපුවේදී පවත්වන ලද මැයි රැලියට සහභාගී විය.
16 කණ්ඩායමේ තවත් කිහිප දෙනෙකු හිටපු ඇමති ලක්‍ෂමන් යාපා අබේවර්ධන මහතාගේ පුත්‍රයාගේ විවාහ මංගලෝත්සවයට සහභාගී වීම නිසා ඊට සහභාගි නොවූ අතර තවත් පිරිසක් කිසිදු මැයි රැළියකට සහභාගී නොවිය.
කෙසේ වෙතත් ගාල්ලේදී පැවැත්වෙන ඒකාබද්ද විපක්‍ෂය හා ශ්‍රී ලංකා පොදුජන පෙරමුනු මැයි රැලියට මෙම 16 දෙනාගෙන් කිසිවෙකු සහභාගී නොවිය.
0 comments :
Post a Comment