වසර ගණනාවක් තිස්සේ අතරුදහන් වුවන් සොයමින් සිටින පවුල් සහ පුද්ගලයන් තුළ ඇති හදිසියත්, ඉච්ඡා භංගත්වයත් අතුරුදන්වූවන් පිළිබඳ කාර්යාලය හොඳින් අවබෝධ කරගෙන සිටින බව එහි සභාපති ජනාධිපති නීතිඥ සාලිය පීරිස්ගේ අත්සනින් යුතුව නිකුත් කල නිවේදනයක දැක්වේ.
“අතුරුදන් වූ සිය ආදරණීයයන් වසර ගණනාවක් තිස්සේ සොයමින් සිටින පවුල් සහ පුද්ගලයන් තුළ ඇති හදිසියත්, ඉච්ඡා භංගත්වයත් අතුරුදන්වූවන් පිළිබඳ කාර්යාලය හොඳින් අවබෝධ කරගෙන සිටියි. එසේවුවද, ඇති වී ඇති තත්ත්වයට ඵලදායී ප්‍රතිචාරයක් ලබාදීමත්, තාවකාලික පියවර ගැනීම වලක්වාලීමත් අරමුණු කරගනිමින් අදාල වැදගත් ක්‍රියාදාමයන් ස්ථාපිත කරන තුරු ඉවසීමෙන් කටයුතු කරන ලෙස අතුරුදන්වූවන් පිළිබඳ කාර්යාලය එම පවුල්වලින් සහ පුද්ගලයන්ගෙන් ගෞරවයෙන් යුතුව ඉල්ලා සිටියි.”
මීට පෙර පැවැති කොමිසම් මඟින් ද සංහිඳියා යාන්ත්‍රණ පිළිබඳ උපදේශණ කාර්ය බලකා ක්‍රියාවලිය හරහා මෙන්ම උගත් පාඩම් හා කෙරුණු නිර්දේශ පදනම් කරගනිමින් OMP කාර්යාලය පවත්වාගෙන යන බවයි සභාපතිවරයා පවසන්නේ.
අතුරුදහන් වුවන් සෙවීම
අතුරුදන් වූවන් පිළිබඳ කාර්යාලය, ප්‍රාදේශීය මට්ටමෙන් ජනතා අදහස් විමසීමේ කටයුත්ත 2018 මැයි 12 වැනි සෙනසුරාදා මන්නාරමෙන් ආරම්භ කරන බවත් අදහස් විමසීම වනාහී නැතිවූ හෝ අතුරුදන් වූ හෝ පුද්ගලයන් සෙවීම පිණිස OMP ක්‍රියාත්මක කරවීමේ ක්‍රියාදාමයේ අත්‍යවශ්‍ය පියවරක් බවද එම නිවේදනයේ අවධාරණය කර ඇත.
නැතිවූ හෝ අතුරුදන් වූ හෝ පුද්ගලයන්ගේ පවුල් වල සාමාජිකයන්ගෙන්, ක්‍රියාකාරීන්ගෙන්, වෘත්තිකයන්ගෙන් සහ මේ කරුණ සම්බන්ධයෙන් කටයුතු කරන සංවිධානවලින් මෙම අදහස් විමසීම සිදු කෙරේ.
මාතර, ත්‍රිකුණාමලය, මුලතිව්, මහනුවර, කිලිනොච්චි, යාපනය, මඩකලපුව සහ අම්පාර දිස්ත්‍රික්කවල සංචාරය කරමින් තොරතුරු එක්සාසු කර ගන්නා බවයි නිවේදනයේ දැක්වෙන්නේ.
“සවන් දී, ඉදිරි පියවර සහ ක්‍රියාදාමයන් සම්බන්ධයෙන් කෙරෙන යෝජනා ඇතුළත් කිරීම සඳහා අතුරුදන්වූවන්ගේ කාර්යාලය සතුව දැනට ඇති සංවිධාන සැලැස්මෙහි සහ උපාය මාර්ගවල තොරතුරු ජනතාව සමඟ බෙදාහදා ගැනීම මෙම රැස්වීම්වල අරමුණ වේ.” යැයි නිවේදනයේ වැඩි දුරටත් දක්වා ඇත.
(CN)
0 comments :
Post a Comment