පසුගිය මැතිවරණ සියල්ලෙහි ප්‍රතිඵල පිළිබඳ පුළුල් විශ්ලේෂණයක් සිදු කර ඇති බැසිල් රාජපක්‍ෂ මහතා,ශ්‍රී ලංකා පොදුජන පෙරමුණ විසින් ඉදිරි ජනාධිපතිවරණය ජයග්‍රහණය කිරීමට අවශ්‍ය ඡන්ද ප්‍රමාණය සම්බන්ධව විද්‍යාත්මකව පුරෝකථනයක් සිදුකර ඇතැයිද වාර්තා වෙයි.
ජනාධිපතිවරණ මෙහෙයුම සැලසුම් කිරීමේදීතවත් විශේෂිත මූලෝපායන් රැසක් ඔස්සේ අවධානය යොමුකළ යුතුයැයිද,උතුරු පළාතේ යාපනය, වන්නි සහ කිළිනොච්චි දිස්ත්‍රික්කවලද, නැගෙනහිර පළාතේ ත්‍රිකුණාමලය සහ මඩකලපුව දිස්ත්‍රික්කවලද ඡන්ද පදනම පුළුල් කර ගැනීමේ නව වැඩපිළිවෙළක් සකස් කළ යුතුයැයිද බැසිල් රාජපක්‍ෂ මහතා පොදුජන පෙරමුණේනායකයන්ට පෙන්වා දී තිබේ.
ඒ සඳහා ලබන මස මුලදී එම දිස්ත්‍රික්ක වෙත ජනාධිපතිවරණ මෙහෙයුම් කාර්යසාධක බළකායක් මුදාහැරීමට නියමිතව ඇතැයි පොදුජන පෙරමුණ ආරංචිමාර්ග සඳහන් කරයි.
කුලුඳුල් ඡන්ද දායකයන් අතරින් බහුතරය ඉදිරි ජනාධිපතිවරණයේදී පොදුජන පෙරමුණ වෙත දිනා ගැනීම සඳහා ක්‍රියාත්මක වැඩපිළිවෙළ සාර්ථක ප්‍රතිඵල අත්කර දෙමින් අවසන් අදියරට පැමිණ ඇතැයිද එම පක්‍ෂයට සම්බන්ධ ආරංචිමාර්ග ප්‍රකාශ කරයි.
ශ්‍රී ලංකා පොදුජන පෙරමුණේ ජාතික මහා සම්මේලනය පැවැත්වීම සඳහා දීප ව්‍යාප්තව ග්‍රාමසේවා වසම් මට්ටමින් ස්ථාපිත පක්‍ෂ ශාඛා ජාලය ලියාපදිංචි කිරීමේ කටයුතු කඩිනම් කර තිබෙන බවත්,ඒ අනුව ජාතික මහා සම්මේලනය මෙම වසර අවසානයේදී පැවැත්වීමට නියමිත බවත් එහි ප්‍රකාශයෙක් පැවසීය.
0 comments :
Post a Comment