අද (23) අලුයම 1.30ට පමණ හුංගම, කිවුල ප්‍රදේශයේදී ලොරි රථයක් සහ මෝටර් රථයකක් එකිනෙක ගැටීමෙන් සිදු වූ රිය අනතුරකින් එම මෝටර් රථයේ ගමන් ගත් 05 දෙනෙකු තුවාල ලබා හම්බන්තොට මහරෝහලට හා තංගල්ල රෝහලට ඇතුලත් කර ඇති අතර ඉන් තංගල්ල රෝහලට ඇතුලත් කරන ලද පුද්ගලයෙකු රෝහලට ඇතුලත් කිරීමෙන් පසු මියගිය බව හුංගම පොලිසිය පවසයි.
අනතුරින් මිය ගොස් ඇත්තේ හම්බන්තොට බුන්දල ප්‍රදේශයේ පදිංචි එස්.ඒ. කුසුම්සිරි නමැති වයස අවුරුදු 39ක තිදෙරු පියෙකි.
ඔහු තිස්සමහාරාම දෙබරවැව මහා විද්‍යාලයේ ගුරුවරයෙකු වන බව වාර්තා වේ.
මෙසේ අනතුරට ලක්ව ඇත්තේ බුන්දල ප්‍රදේශයේ පදිංචිකරුවන් පිරිසක් ගමන් ගත් මෝටර් රථයක් හා බණ්ඩාරවෙල ප්‍රදේශයට අයත් ලොරි රථයකි.
මෝටර් රථයේ ගමන් ගත් පිරිස කොළඹ පොත් ප්‍රදර්ශනයට ගොස් බුන්දල ප්‍රදේශයට එමින් සිට ඇති අතර ලොරි රථය බණ්ඩාර වෙල සිට ගාල්ල දක්වා එළවළු ප්‍රවාහනය කරමින් සිට ඇත.
අනතුරින් තුවාල ලැබූ පිරිස අතර එකම පවුලේ මව, පියා ඇතුළු දරුවන් 03දෙනෙකු හා තවත් කාන්තාවක් වෙයි.
අදාළ ලොරි රථයේ රියදුරු හුංගම පොලිසිය විසින් අත්අඩංගුවට ගෙන තිබේ.
ඡායාරූප පහතින්.
හම්බන්තොට - රාහුල් සමන්ත හෙට්ටිආරච්චි
0 comments :
Post a Comment