අධ්‍යාපන අමාත්‍ය අකිල විරාජ් කාරියවසම් මහතාගේ පුද්ගලික කාර්ය මණ්ඩලයේ සිටින අයෙකු බව හඟවමින් කුරුණෑගල, නුවර ඇතුළු ප්‍රදේශ කිහිපයක ළමුන් පාසල් වලට ඇතුලත්කරන බවට සහ ජාතික පාසල්වල අනධ්‍යන කාර්ය මණ්ඩලයේ රැකියා ලබාදෙන බවට ජනතාව රැවටූ පුද්ගලයෙක් පෙරේදා (07) දින මහනුවර පොලීසිය විසින් අත්අඩංගුවට ගෙන ඇත. මධ්‍යම පළාත් සභාවේ හිටපු සභානායක, ශ්‍රී ලංකා නිදහස් පක්ෂයේ මහනුවර ආසනයේ සංවිධායක මහින්ද අබේකෝන් නම් මන්ත්‍රීවරයාගේ සහෝදරයා මෙලෙස පොලිස් අත්අඩංගුවට පත්ව ඇත.
තමන් අධ්‍යාපන අමාත්‍යවරයාගේ පෞද්ගලික කාර්ය මණ්ඩලයේ සිටින නිලධාරියෙකු බැවින් තමන්ට මුදල් ලබාදී දරුවන් පාසල්වලට ඇතුලත් කල හැකි බවත් ඊට අමතරව ජාතික පාසල්වල අනධ්‍යන කාර්යමණ්ඩලයේ රැකියා ලබාදෙන බවද මොහු පවසා ඇත. පොලිසිය මේ පිලිබඳ වැඩි දුර විමර්ශන පැවැත්වූ අතර එහිදී උපාය දූතයකු මාර්ගයෙන් අදාළ පුද්ගලයා මෙලෙස කොටුකරගැනීමට පොලිසියට හැකියාව ලැබී ඇත. හඬ පට සහ සෙසු සාක්ෂි ඔස්සේ පොලීසිය වැඩිදුරටත් පරීක්ෂණ සිදු කෙරේ.
0 comments :
Post a Comment