හැටන් සිට කෑගල්ල දක්වා දියර කිරි රැගෙන ගිය ලොරියක් පෙරලීයාමෙන් කිරි ලීටර් 4500ක් කැළණි ගඟට ගලා බසිමින් පවතින බව වාර්තා වේ.
අද (13) පස්වරු 01.00ට පමණ මෙම අනතුර සිදුව ඇත්තේ හැටන් - කොළඹ ප්‍රධාන මාර්ගයේ කලුකොහුතැන්න ප්‍රදේශයේදීය.
කැළණි ගඟ ආසන්නයේ ප්‍රධාන බෑවුම් සහිත ප්‍රදේශයක මෙම කිරි ලොරිය ධාවනය වෙමින් තිබියදී හදිසියේම එහි තිරිංග ක්‍රියාවිරහිතවීම නිසා එය මාර්ගය අසල තිබූ කන්දක ලොරිය හප්පවා නතර කිරීමට උත්සහ කිරීමේදී මෙම අනතුර සිදුව තිබේ.
ලොරි රථය අනතුරට පත්වන අවස්ථාවේ එහි රියදුරා පමණක් සිට ඇති අතර ඔහුු රථය තුළ සිරවී සිටියදී ප්‍රදේශවාසීන් විසින් බේරාගෙන ඇත.
මෙම අනතුර හේතුවෙන් එම මාර්ගයේ වාහන ගමනාගමනය තාවකාලිකව එක් මංතීරුවකට පමණක් සීමා කර තිබේ.
ඡායාරූප පහතින්.
හැටන් - රංජිත් රාජපක්ෂ
0 comments :
Post a Comment