ශ්රී ලංකා නිදහස් පක්ෂයේ තවත් නව ආසන සහ දිස්ත්රික් සංවිධායක පත්වීම් පිරිනැමීමක් අද(16) පෙරවරුවේ ජනාධිපති ගරු මෛත්රීපාල සිරිසේන මැතිතුමාගේ ප්රධානත්වයෙන් ජනාධිපති නිල නිවසේදී සිදුවිය.
ඒ අනුව, එම්.එස්.එම්. සකාවුල්ලාහ් මහතා මීගමුව ආසනයේ සම සංවිධායක ලෙස පත් කර තිබේ.
එසේම මාතර දිස්ත්රික් සංවිධායක ලෙස අනිල් චන්ද්රනාත් වීරමන් මහතාත්, දිගාමඩුල්ල දිස්ත්රික් සංවිධායක ලෙස වයි.ජී. බන්දුල සරත් කුමාර මහතාත් පත් කර ඇත.
එජාපයෙන් ශ්රීලනිපයට
මේ අතර මහඔය ප්රාදේශීය සභාවේ එක්සත් ජාතික පක්ෂ හිටපු උප සභාපති කේ. ටී සේනාරත්න මහතා සහ මහඔය එක්සත් ජාතික පක්ෂ තරුණ සංවිධානයේ ක්රියාකාරිකයෙකු වූ ආර්.එම්.සී.එම්. ඥානරත්න යන මහත්වරුන් අද(16) පෙරවරුවේ ජනාධිපති නිල නිවසේදී ජනාධිපති ගරු මෛත්රීපාල සිරිසේන මැතිතුමාට සහාය පළ කිරීමට එක් වූහ.
අමාත්ය ජෝන් සෙනෙවිරත්න සහ වයඹ මහ අමාත්ය ධර්මසිරි දසනායක යන මහත්වරුන් මෙම අවස්ථාවට එක්ව සිටියහ.
0 comments :
Post a Comment