රනිල් වික්‍රමසිංහ
2001-2004 කාලයේ පැවතියේ එ.ජා.ප ආණ්ඩුවකි. රටේ අගමැතිවරයා රනිල් වික්‍රමසිංහ වූ අතර රටේ ජනාධිපති ධූරය චන්ද්‍රිකා බණ්ඩාරනායක අත විය. 2002 වර්ෂය ආරම්භය සනි‍ටුහන් වනවාත් සමගම එක් ඛේදජනක සිදුවීමකින් මුළු ගුවන් හමුදාවම සසල විය. පියාසර නිලධාරී ආක්ෂ් වන්නිආරච්ච, ඉන්ටේක් 36 (රෙජිමේන්තු) පුත්තලම නගරයේ දෙනෝදාහක් ඉදිරිපිට ඝාතනය විය. ආකාෂ් සේවය කළේ පාලවි ගුවන් හමුදා කඳවුරට අනුයුක්තවය. පුත්තලම නගරය අශ්‍රිතව ක්‍රියාත්මක සංවිධානාත්මක මුස්ලිම් අපරාධ කල්ලියක් අතින් ආකාෂ් ඝාතනය විය. ඔහු මියගියේ පපු ප්‍රදේශයට ලද පිහි ඇනුම් ප්‍රහාරයක් හේතුවෙනි. මෙම ඝාතනයේ කෙස් කෙලින් කර වන කොටස නම් ඝාතකයන් මුස්ලිමුන් වීම නොව මිනීමරුවා රිෂාඩ් බදුර්දින්ගේ සහෝදරයෙකු වීමය. මිනීමැරුමේ ඇසින් දු‍ටු සාක්ෂිකරුවා වූ වින්ග් කමාන්ඩර් නුගේගොඩ තවම ගුවන් හමුදා සේවයේ නියුතුය. දේශපාලන වාසිතකා පුත්තලමේ මිනීමරුවන් ආරක්ෂා කළේ රනිල් වික්‍රමසිංහය. රනිල්ගේ එදාවෙල දේශපාලනයට අත්උෙදව් දුන්නේ එවක පොලිස්පති ලක්දාස කොඩිතුවක්කු සහ ගුවන් හමුදාපති වලත්ත වීරක්කොඩිය. එදා සක්‍රීය සේවයේ යෙදී සිටි ගුවන් හමුදා නිලධාරියෙකුගේ ලේ පැල්ලම අතින් වසන්කළ රනිල්ට මෙදා දිගන රියදුරෙකුගේ ලේ පැල්ලමකින් ජාත්‍යන්තර අපකීර්තියක් ලැබීම දෛවයේ සරදමකි. සරදම කොතෙක් කුරිරුදයත් නීතිය හා සාමය භාර ඇමතිවරයාද ඔහුය.
එදා ආකාෂ් සිය පවුලේ නෑ හිතවතුන්ගේ හද කම්පා කරමින් අවසන් ගමන් ගියේය. එම අසීමිත වේදනාව දැනුනේ සිය පවුලේ උදවියට පමණි. ඔවුන් අන්ත අසරණය, කරකියා ගත හැකි කිසිවක් නොවීය. රටේ අගමැති, පොලිස්පති සහ ගුවන් හමුදාපති බඩවියත වෙනුවෙන් ආකාෂ්ගේ රුහිරය අතින් වැසුවේය. චම්පිකලා, වීරවන්සලා ආකාෂ් ගේ ඝාතනය දු‍ටුවේ නැත. ජනතාවගේ යුක්ති යුක්ත දුක් ගැනවිලි හමුවේ දේශපාලනඥයන් අන්ධය. ඔවුන්ට ඇස්- කන් නැත, දැනෙන්නේ දේශපාලනයේ ගද සුවද පමනි. 2002 කාලයේ මුහුනුපොත වැනි සමාජ ජාලා ප්‍රචලිතව නොතිබිනි. ආකාෂ්ගේ මරණය රනිල්ට වසන් කළ හැකි වූයේ එහෙයිනි. සමාජ ජාලා නොතිබුණි නම් දිගන රියදුරාගේ ඝාතනය තවත් එක් මරණයක් පමනි. කල දු‍ටු කල වළ ඉසගැනීම මිස ඉන් එහා යමක් දේශපාලනඥයෙන්ගෙන් බලාපොරොත්තු විය නොහැක. ජනතාවගේ කැකෑරෙන දුක් වේදනා යටපත් කිරීම අලු යට ගිනි පුපුරු මෙනි. 2015 මැතිවරණයේදී මුස්ලිම් ජනතාව ඉදිරියේ රාජපක්ෂ බිල්ලෙකු මවා දේශපාලන වාසි ගත්තේය. ඇතැම් මුස්ලිම් ව්‍යාපාරිකයන් පුළුල් තිර සහිත ජංගම රූපවාහිනී ට්‍රක් යොදවමින් අලුත්ගම කථාව පෙන්වූයේ රාජපක්ෂලා නැති කිරීමටය. මේ සියල්ල මෙහෙය වූයේ රනිල්ගේ අනුදැනුම මතය. රනිල් කළ කී සියල්ල අද බැක් ෆයර් වී ඇත.
චම්පික රණවක
ඊලාම් යුද්ධය තුළ චම්පික රනවක විශාල කාර්ය භාර්යක් ඉ‍ටුකළ බව සෑබෑය. ඊලාම් යුද්ධය අවසන් කළ ගැම්මටම ඔහු තවත් මෙහෙයුමක් ආරම්භ කළේයෙ. ඒ මුස්ලිම් ව්‍යප්තවාදයට එරෙහිවය. මුස්ලිම මූලධර්මවාදය ගැන ඔහු පොතක් ලියුවේ‍ෙ. ඒ පිළිබඳ සම්මන්ත්‍රණ කිහිපයක්ද පැවැත්වූයේය. නමුත් දෛවඥයෙකු විසින් 2020 තමාට රාජ යෝගයක් ඇති බව පැවසූ පටන් සියල්ල උඩු ය‍ටිකුරු විය. එතැන් පටන් ප්‍රාදේශීය දේශපාලනයට තිත තබා ජාතික දේශපාලනයට කුරුමානම් ඇල්ලුවේය. එ අනුව මුස්ලිම් ආගමට එරෙහිව ලියු පොත හකුලා ගත්තේය. මුස්ලිම් ජනයා කෙරේ ගොනා සහ තණකොල න්‍යාය අනුගමනය කලේය. විදේශ තානාපතින් සමහ පෑහීමට පටන් ගත්තේය . මේ අතර තුර මහින්දගේ දෙවන ධූර කාලයේ අවසාන භාගය එලඹිනි චම්පිකට ඉස්මතුවීමට මහින්ද විසින් හයිජැක් කර තිබෙන ජාතික ව්‍යාපාරය යළි අතට ගත යුතුව ඇත. මහින්ද -ගෝඨාභය සිටින තාක් ජාතික ව්‍යාපාරය යළි චම්පික අතට ගත නොහැක. මහින්ද දේශපාලනයෙන් අතු ගෑ දැමීම ඔහුගේ සැලසුම විය.
චම්පික මහින්දගේ ආණ්ඩුවේ සිටියදීම රනිල් - චන්ද්‍රිකා සමග ගනුදෙනු කිරීම ආරම්භ කළේය. මහින්ද පැ‍රැදවීමට නම් එක්කෝ සිංහල බෞද්ධ බලවේගයෙන් කොටසක් වෙන් කළ යුතු විය නැතිනම් මහින්ද සමග සිටින මුස්ලිම් ජනයා වෙන් කළ යුතු විය. ඉන් චම්පිකට පහසු වූයේ දෙවැන්නය. ඒ අනුව විහාරමහාදේවී ප්‍රහාරයෙන් පසු විශ්‍රාම ගන්වා සිටි ඥානසාර හිමිට නැවත කැඳවිමක් ලැබුණේය. චම්පිකගේ කොන්ත්‍රාත්තුව අනුව ඥානසාරහිමි හත්පොලේ ගෑවේ මහින්දගේ රජය ගද ගස්සවමිනි.අන් කවර ජාතියකටවත් නොමැති ගැටලු බෞද්ධයන්ට ඇත.බෞද්ධයන් මුහුණ දී සිටින සංවේදී ගැටලු පිළිබඳ කථා කිරීමට ඥානසාරගේ බුල්ඩෝසර් ශෛලිය ඔබින නොවේ. 2013 මාර්තු මස 15 දින චම්පික විසින් අල් ජිහාඩ්-අල්කයිඩා නොහොත් ඉස්ලාම් මූල්ධර්මවාදයේ ඉතිහාසය, වර්තමානය සහ අනාගතය කෘතිය එළි දැක්වීය. බොදු බල සේනාව කෝච්චිය ධාවනය වූයේ චමිපික ලියු පොත් පින්චේ පීලි මතය.
මහින්ද රාජපක්ෂ
62 දෙලක්ෂයක ජනවරමක් ලැබුණේ රාජපක්ෂලාට එරෙහිව ඇති චෝදනා විභාග කිරීමටය. ඒ පිළිබඳ සම්පූර්ණ වගකීම යහපාලන රජය සහ නීතිය ක්‍රියාත්මක කරන ආයතන සතුය. ඒ කෙසේ වෙතත් මුස්ලිම් ජනයා ඉදිරියේ මැවූ රාජපක්ෂ බිල්ලා දේශපාලන ඩමියකි. මහින්ද කවදත් මුස්ලිම් ජනතාව සමග කිට්‍ටුවෙන් වැඩ කළ අයෙකි.මුස්ලිමුන්ට ප්‍රහාර එල්ල කිරීමේ කිසිදු සැලසුමක් මහින්ද තුළ හෝ ගෝඨාභය තුළ නොවිනි. මුස්ලිමුන් සමග රාජපක්ෂලා කල ව්‍යපාරික ගනුදෙනු පවා යහපත් අයුරින් සිදුවිය. සෑම ගනුදෙනුවකටම එකග වූ මුදල් ප්‍රමාණය ගෙවා දැමුවේය.
බලහත්කාරයෙන් හෝ දෙන්නම් කාසිවලට ගනුදෙනු සිදු නොවිනි. ඉහත පැහැදිලි කළාක් මෙන් බොදු බල සේනාව යනු ගෝඨාභය මෙහෙයවූවක් නොව වෙනත් පිරිසක් විසින් මෙහෙය වූවකි. මුස්ලිම් කල්ලි කණ්ඩායම් විසින් රාජපක්ෂලාට කොකා පෑමෙන් දෙපාර්ශවයම සිදුව ඇත්තේ අගතියකි. මහින්දගේ කාලයේ ලංකාවට එරෙහිව එ.ජා මණ්ඩලය චෝදනා ගෙන එනවිට රනිල් ඒ දෙස බලා සිටියේ ආනන්දයෙනි. එදා අලුත්ගම සිද්ධිය මෙන් නොව ඊට වඩා සිය ගුණයක් විශාල ව්‍යවසනයක් අද සිදුව ඇත. තවම එය පවතින්නේ රජයට පාලනය කර ගත නොහැකි මට්ටමකය එ.ජා 73 සැසිවාරය 2018 වසරේ පැවැත්වීමට නියමිතය. දැන් රනිල් ඊට මුහුණ දිය යුතුව ඇත
මුස්ලිමුන් කොයිබටද?
වහාබි වාදය යනු 17 වන සියවසේ විසූ මුහම්මද් ඉබ්නු අබ්දුල් වහාබ් විසින් පන පෙවූ රැඩිකල් හර පද්දතියකි. මොහු විසින් ඇති කළා වූ පුනරුදය සද්භාවයෙන් කලා වුවද දේපාලකයන්එදා සිට අද දක්වාම ඔහුගේ ඉගැන්වීම දේශපාලන අතකොලුවක් ලෙස භාවිතා කරන්නේය. එය මුලින්ම ආරම්භ වූයේ ප්‍රාදේශීය පාලකයන්ගෙනි. ඉන්පසු සෞදි රජ පවුල මක්කා මදීනා ඇතුළු භූමිය අල්ලා ගැනීමට උපක්‍රමයක් ලෙස යොදා ගත්තේ වහාබ් වාදයයි. ක්‍රමයෙන් වහාබ් වාදය දේශපාලන ව්‍යපෘතීන්ට නැතිවම බැරි උපකරණයක් බවට පත්වූයේය. බ්‍රිතාන්‍යයන් විසින් ඔටොමන් අධිරාජ්යට එරෙහිව සටන් කිරීමට බලල් අතක් ලෙස යොදා ගත්තේ සෞද් පවුලයි. ඔටෝමන් අධිරාජ්‍යයාට එරෙහිව ජනතාව කුපිත කිරීමට වහාබ් වාදය යොදා ගත්තේය. අදද අඩු වැඩිව වහාබ්වාදය සේවය කරන්නේ බරහිර කඳවුරටය
1996 සිට විසි වසරක් පුරා ඇමරිකානු මුස්ලිමුන් වෙනුවෙන් රාමදාන් ඉෆ්තාර් භෝජන සංග්‍රහයක් ධවල මන්දිරයේ පැවතියේය. නමුත්ඇමරිකානු ජනාධිපති ඩොනල්ඩ් ට්රම්ප් විසින් හේතු දැක්වීමන් තොරව මෙම ඉෆ්තාර් භෝජනය සංග්‍රහය නවතා දැමීය. එම පුවත ලොව පුරා අවධානයට ලක්විය. කොළඹ ඇමරිකානු තානාපති අතුල් කේෂප්ද ධවල මන්දිර පරිපාලනයට සමගාමීව රාමදාන් ඉෆ්තාර් උත්සව අවලංගු කළේය. තෙල් රජවූ කාලය ඉවරය. ඊට විකල්ප පැමිණ ඇත
වහාබ් වාදයේ මහගෙදර සෞදි අරාබියයි . අද සෞදියේ සිදුවන්නේ කුමක්ද ? සෞදියේ සල්මාන් කුමරු ආගමික පොලීසිය (මුතෙව්වා ) නිකමුන් බවට පත්කර ඇත. ආගමික පොලීසියට වැ‍ටුප් ගෙවීම අත්හි‍ටුවා ඇත. කාන්තාවගේ කලු කබා අනිවාර්ය නීතිය ඉවත් කර ඇත. නියොම් නම් වූ කැසිනෝ පුරවරයක් ඉදිකිරීම පසුගිය නොවැම්බරයේදී ගිවිසුම් ගැසුවේය . නියොම් ව්පෘයිතියේ ප්රධාන විධායක නිලධාරී කාලොස් ක්ලෙන්ෆිල්ඩ් Dr. Klaus Kleinfeld- ප්රධාන ආයෝජක ස්ටෙෆන්. එ ස්වොර්මන් Stephen A.Schwarzman සහ රොබෝ තාක්ෂණ ප්‍රධානී මාර්ක් රිබර්ට් Marc Raibert යුදෙව් ජාතිකයන්ය.එහි ඉදිකරන නිෂ්චල දේපල වල සින්නක්කර අයිතිය ආයෝජකයන් සතුය. නියොම් දේශයේ නෛතික ආර්ථික දේශපාලන සහ අරක්ෂක විධිවිධාන මෙහෙයවනුයේ ආයෝජකයන්ට බහුතර බලයක් හිමි මණ්ඩලයකිනි. නියොම් නගරය ජොර්දානයේ ඇකබා, ඊජිප්තුවේ තාබා සහ ඊශ්‍රායෙලයේ එයිලට් වරාය නගර හා එකට සම්බන්ධ වූවකි. නො එසේනම් සෞදිය විසින් ඊශ්‍රායලය පිළිගැනීමයි
ශිව සේනා, 969, අයි-එස්, අල් කයිඩා, බොදු බල සේනා, තව්හීද් ජමාත් වැනි විවිධ කණ්ඩායම් කලින් කලට පැමිනෙයි. බැලූ බැල්මට ඔවුන් පෙනී සිටියේ එක් අභිලාශයක් වෙනුවෙනි. ලස්සන අකුරු, පද, පේලි යොදා ඔවුන්ගේ දැක්ම කැටයම් කර ඇත. පිරිසක් ඔවුගේ අභිලාශ සමග ඇලෙයි, තවත් පිරිසක් ගැටෙයි. මතු වීම සත්‍යයේ ස්වභාවයයි. සැබැවිනම් ඥානසාර හිමි හෙලයන්ට කළ අවැඩක් මිස සේවයක් නොමැත. අන්තවාදී මුස්ලිම් කණ්ඩායම්වල තත්ත්වයද මීට වෙනස් නැත. මෙම කල්ලි කණ්ඩායම් කරන්නේ රහස් සංවිධානයක කොන්ත්‍රාත්තුවක් ඉටු කිරීමය. අන්තවාදය සාතන්ගේ දාසයෙකු මිස දේවදූතයෙකු නොවේ.
0 comments :
Post a Comment