අපරාධ විමර්ශන අංශයට ලැබුණූ තොරතුරක් අනුව දළුග්ගොල්ල, කහමල්වත්ත ප්රදේශයේ නිවසක් සෝදිසි කළ අවස්ථාවේදී ඉතා සූක්ෂම අයුරින් සගවා තිබුණු අත් බෝම්බයක් හමුවී ඇති අතර ඒ සමග එහි හිමිකරු යැයි කියන සැකකරුද අත්අඩංගුවට ගෙන තිබේ.
මෙම බෝම්බය යම් නීති විරෝධී ක්රියාවක් වෙනුවෙන් සූදානම් කරන ලද්දක් ද යන්න පිළිබදව මේ වන විට පොලිස් පරීක්ෂණ ආරම්භ කොට ඇත.
සැකකරු නීති විරෝධී ක්රියා හේතුවෙන් මීට පෙර පොලිස් අත්අඩංගුවට පත්ව ඇති අතර ඔහු මත්ද්රව්ය සදහා ඇබ්බැහිවී සිටින බව ද පොලීසිය කියයි.
සැකකරු මහනුවර මහේස්ත්රාත් අධිකරණය හමුවට ඉදිරිපත් කිරීමට නියමිත අතර මහනුවර අපරාධ විමර්ශන අංශයේ ස්ථානාධිපති ප්රධාන පොලිස් පරීක්ෂක මෙහොමඩ් ෆාරුක් මහතා විසින් වැඩිදුර පරීක්ෂණ සිදුකරයි.
නදීක දයා බණ්ඩාර - මහනුවර
0 comments :
Post a Comment