එදින රාත්‍රි 10.30ට පමණ පැවැති මෙම විශේෂ සාකච්ඡාව සඳහා අධිකරණ හා බන්ධනාගාර ප්‍රතිසංස්කරණ අමාත්‍ය නීතිඥ තලතා අතුකෝරල, සෞඛ්‍ය අමාත්‍ය රාජිත සේනාරත්න, රාජ්‍ය පරිපාලන නීතිය හා සාමය පිළිබඳ අමාත්‍ය රංජිත් මද්දුමබණ්ඩාර, අධිකරණ අමාත්‍යාංශයේ ලේකම්වරිය, නීතිපතිවරයා සහ පොලිස්පතිවරයා මෙම හමුව සඳහා සහභාගි වී ඇතැයි වාර්තා වේ.
එහිදී අලුතින් ඇති කළ විශේෂ අධිකරණවල අදාළ නඩු ගණනාවක් එකදිගට විභාග කිරීම සඳහා අවශ්‍ය කටයුතු මෙහිදී සාකච්ඡා කර තිබේ.
ඊට අමතරව ප්‍රමුඛතාව අනුව කඩිනම් කළ නඩු පිළිබඳව ලැයිස්තුවක් සකස් කර අදාළ චෝදනාවලට සම්බන්ධ පුද්ගලයන් කඩිනමින් අත්අඩංගුවට ගෙන නීතිය ක්‍රියාත්මක කිරීම ගැනද මෙහිදී දීර්ඝ ලෙස සාකච්ඡා කර ඇති බවද වාර්තා වේ.
(මව්බිම)
0 comments :
Post a Comment