ඒ අනුව ඉඩම් අක්කර 1099ක් ජනවාරි මස දෙවන සතිය තුළ මුදාහැරීමට සැළසුම් කර තිබේ.
උතුරු නැගෙනහිර පළාත්වල යුධ හමුදාව දැනට පරිහරණය කරනු ලබන රජයේ හා පුද්ගලික ඉඩම් ජාතික ආරක්ෂාවට කිසිදු හානියක් ඇති නොවන අයුරින් නිදහස් කිරීමේ ක්‍රියාවලියට අමතරව එම පළාත් හි යුධ හමුදාව විසින් පවත්වාගෙන යනු ලබන ගොවිපළවල් පිහිටි රජයට අයත් ඉඩම්ද කඩිනමින් නිදහස් කරන ලෙස ජනාධිපතිවරයා උපදෙස් ලබාදී ඇත.
ඒ අනුව කිලිනොච්චි, පුනකරි, ජයපුරම් උතුර ග්‍රාම නිලධාරී වසමේ පිහිටි වනසංරක්ෂණ දෙපාර්තමේන්තුවට අයත් අක්කර 194කින් යුතු ඉඩමක් සහ එම ග්‍රාම නිලධාරී වසමේ පිහිටි තවත් අක්කර 285කින් යුතු ඉඩමක් නිදහස් කිරීමට නියමිතය.
මුලතිව්, පුදුකුඩුඉරුප්පු, උදයාර්කඩ්ඩුකුලම් ග්‍රාම නිළධාරී වසමේ සහ මන්නාරම, මාන්තෙයි, වෙල්ලම්කුලම් ග්‍රාම නිලධාරී වසමේ පිහිටි වනසංරක්ෂණ දෙපාර්තමේන්තුවට අයත් අක්කර 120ක් හා අක්කර 500ක් බැගින් වූ භූමි ප්‍රදේශයක්ද ලබන ජනවාරි මාසයේදී මුදා හැරීමට සැළසුම් කර ඇති බව බ්‍රිගේඩියර් සුමිත් අතපත්තු මහතා වැඩිදුරටත් සඳහන් කරයි.
කෙසේන මුත් මේ ආකාරයටම පසුගිය අවුරුදු හතර තුළද විවිධ නිර්නායක යටතේ හමුදා කඳුවරු පිහි බිම් ඇතුළු හමුදාව සතුව තිබූ රජයේ සහ පුද්ගලික ඉඩම් නිදහස් කරනු ලැබූ අතර එකළ මහින්ද පිලේ මන්ත්‍රීවරු විසින් ජාතිවාදී ප්‍රකාශ සිදු කරමින් එය දැඩිව විවේචනයට ලක් කරන ලදී.
0 comments :
Post a Comment