ඉන්දීය ධීවරයින් 29 දෙනෙකු අත්අඩංගුවට

මෙරට මුහුදු සීමාවට අනවසරයෙන් ඇතුළු වී නීති විරෝධී ලෙස මසුන් මැරීම ඉන්දීය ධීවරයින් දිගින් දිගටම සිදුකරනවා.එවැනි ඉන්දීය ධීවරයින් 29 දෙනෙකු නාවික හමුදාව අත්අඩංගුවට ගෙන තිබෙනවා.උතුරු මුහුදු තීරයට වැඩි වශයෙන් මෙසේ පැමිණෙන ඉන්දීය ධීවරයින් තහනම් ධීවර ක්‍රම පවා භාවිත කරමින් මසුන් මැරීම සිදුකරන බවයි උතුරේ ධීවරයින් පවසන්නේ.

මේ හේතුවෙන් ඉන්දීය ධීවරයින්ගේ නීති විරෝධී කටයුතු පාලනය කිරීමට නාවික හමුදාව දැඩි අවධානයක් යොමු කර තිබෙනවා.මන්නාරම මුහුදු තීරයේ දී හා ඒ ආසන්න ප්‍රදේශයේ දී නීති විරෝධී ලෙස ධීවර කටයුතුවල යෙදී සිටි ඉන්දීය ධීවරයින් 29 දෙනෙකු අත්අඩංගුවට ගත් බව නාවික හමුදාව ප්‍රකාශ කළා.එම ධීවරයින් හා යාත්‍රා වැඩිදුර පරීක්‍ෂණ සඳහා ධීවර අමාත්‍යාංශ නිලධාරීන් වෙත භාරදීමටයි නාවික හමුදාව කටයුතු කර ඇත්තේ.

Courtesy : ITN news