ශ්‍රීලනිපය හා ඒකාබද්ධය අතර අදත් සාකච්චාවක්

මේ සම්බන්ධයෙන් පසුගියදා පැවැත්වුණු සාකච්චාව තීරණයකින් තොරව නිම වූ අතර එහිදී ඉදිරි සාකච්චා සඳහා දෙපාර්ශ්වයෙන් කමිටු දෙකක් නම් කෙරිණි.

ඒ අනුව අද දින සාකච්චාව සඳහා ශ්‍රී ලංකා නිදහස් පක්ෂය නියෝජනය කරමින් නිමල් සිරිපාල ද සිල්වා, අනුර ප්‍රියදර්ශන යාපා යන ඇමතිවරුන් සහ ලසන්ත අලගියවන්න නියෝජ්‍ය අමාත්‍යවරයා සහභාගී වනු ඇති අතර ඒකාබද්ධ විපක්ෂය නියෝජනය කරමින් මහින්ද යාපා අබේවර්ධන, සී.බී. රත්නායක සහ පවිත්‍රා වන්නිආරච්චි යන පාර්ලිමේන්තු මන්ත්‍රීවරුන් සහභාගී වනු ඇත.

ඊයේ දිනයේ දී පළාත් පාලන මැතිවරණයේදී වෙනම තරග කිරීම සඳහා පළාත් පාලන ආයතන 16ක් වෙනුවෙන් ශ්‍රී ලංකා පොදුජන පෙරමුණ ලෙස ඒකාබද්ධ විපක්ෂ කණ්ඩායම ඇප මුදල් තැන්පත් කර තිබුණ ද එය සාකච්චා සඳහා බාධාවක් නොවන බව ඒකාබද්ධ විපක්ෂ කණ්ඩායම ප්‍රකාශ කර තිබිණි.

- රංජිත් නිශාන්ත