නිවාස, වෙළඳසල් හා විහාරස්ථානවලට ඇතුළු වී රුපියල් විසිපන් ලක්ෂයකට අධික දේපළ සොරාගත් "රත්නපුර කොබෙයියා' නමැත්තා මෙරට නිෂ්පාදිත මිලි මීටර් නවයේ ගිනි අවියක් උණ්ඩ දෙකක් සමඟ පානඳුර වෑකඩදී අත්අඩංගුවට ගත් බව කළුතර දිසා අපරාධ ඒකකය කියයි.
මොහු විසිහය හැවිරිදිය. සොරාගත් පවුම් හතළිහකට ආසන්න බරින් යුත් රන් අභරණ, ලැප්ටොප් තුනක්, රූපවාහිනි තුනක්, ජංගම දුරකථන හයක්, නිවාස වෙළඳසල් හා විහාරස්ථාන කැඩීමට උපයෝගී කරගත් උපකරණ කිහිපයක් ද පොලිසිය භාරයට ගෙන ඇත.
රත්නපුර කෙසෙල්ඕවිටගම අයකු අපරාධයක්
මොහු පිළියන්දල පෞද්ගලික කොන්ත්‍රාත් සමාගමකට අවස්ථා තුනකදී ඇතුළු වී රුපියල් ලක්ෂ හයකට අධික මුදලක් සොරාගෙන තිබූ බව විමර්ශනවල දී හෙළි වී ඇත.
මෙම අපරාධ සිදු කළ සෑම තැනකදීම කුලී නිවාසවල පදිංචි වී අපරාධ සිදු කිරීමෙන් අනතුරුව මෙම සැකකරු වෙනත් ප්‍රදේශවල පදිංචියට යාම පුරුද්දක් කරගෙන තිබූ බව අනාවරණය විය.
සොරාගත් දේපළ කඩුවෙල රත්නපුර හා කොට්ටාව ප්‍රදේශවලට විකුණා එම මුදලින් ගංඡා මත්පෙති පාවිච්චි කර ඇතැයි මෙම සැකකරුගේන් කළ ප්රශ්න කිරීමවලදී අනාවරණය විය. රත්නපුරේ හොරෙන් පතල් කැණිමේ සිද්ධියකට මෙම සැකකරු අත්ඩංගුවට පවූ බව සැකකරු පැවසූ බවත් හෙළිවිය. මෙම සැකකරු පානදුර අධිකරණයට ඉදිරිපත් කිරිමට නියමිතය.
0 comments :
Post a Comment