නවගත්තේගම - පළුකැන්දඋව ප්‍රදේශයේ නිවසක් පිටුපස ඇති සියඹලා ගසක බෙනයක් තුළ තිබී ජොනී බට්ටෙකු සොයා ගෙන ඇති බව නවගත්තේගම පොලීසිය කියයි.
තමන් පදිංචි නිවස පිටුපස ඇති සියඹලාගසක බෝම්බයක් වැනි දෙයක් ඇති බවට නවගත්තේගම, පළුකැන්දෑව පදිංචි කමලාවතී නමැත්තිය නවගත්තේගම පොලීසියට දැනුම් දී ඇති අතර ඒ පිළිබඳව කරන ලද විමර්ශණයකින් පසු සියඹලා ගසේ බෙනයක සඟවා තිබූ ජොනී බට්ටා සොයා ගෙන ඇත.
මෙම ජොනී බට්ටා කාලයක් සියඹලා ගසේ සඟවා තිබී ඇත බවට විශ්වාස කරන බව පොලීසිය කියයි.
කව්රුන් විසින් කුමන අවශ්‍යතාවයක් සඳහා මෙම ජොනී බට්ටා මෙම ස්ථානයට ගෙනවිත් සැඟවුවාද යන්න මෙතෙක් අනාවරණය වී නොමැති බව පොලීසිය වැඩිදුරටත් කියාසිටී.
වැඩිදුර විමර්ශන කටයුතු සහ ගසේ සඟවා ඇති ජොනී බට්ටා නිෂ්ක්‍රීය කිරීම සඳහා විශේෂ කාර්ය බලකාලයේ පුත්තලම කඳවුරට දැනුම් දීමට නවගත්තේගම පොලීසි කටයුතු කර ඇත.
ඒ පිළිබඳ වැඩිදුර පරීක්ෂණ පැවැත්වේ.
පුත්තලම - ජුඩ් සමන්ත
0 comments :
Post a Comment