ජය ලලිතා ඇඩ්මිට්වූ ඇපලෝ රෝහල මහසෙනග වටලති

පසුගිය බ්‍රහස්පතින්දා දහවල් කාලයේ තමිල්නාඩු මහඇමතිනි ජයලලිතා ජයරාම් අසනීප තත්ව මත හදිසියේ රෝහල් ගත කර තිබුණා. ඇයව ඇතුළත් කර තිබුනේ චෙන්නායිහි ඇපලෝ රෝහලටයි.

ඇය රෝහල්ගතවූ ආරංචිය ලැබුණ වෙලාවේ සිට මේ දක්වා දහස් ගණන් ආධාර කරුවන් රෝහල වට කර තිබෙන බව ඉන්දියාවෙන් වාර්තා වනවා.
මේ හේතුවෙන් රෝහලේ අනෙක් වැඩකටයුතුද අවුල්වී ඇතැයි වාර්තාවේ.

බොහෝ පිරිස් බ්‍රහස්පතින්දා රාත්‍රී කාලයෙත් පාරේ නිදියමින් ඇයට කුමක් සිදුවී ඇතිදැයි විමසිල්ලෙන් සිටි අතර සිකුරාදා උදෑසන මයික්‍රෆෝන ආධාරයෙන් පොලිසිය රැස්ව සිටි පිරිසට ඇගේ රෝග තත්වය ගැන රෝහල් වාර්තාව ප්‍රකාශයට පත් කළා.
‘ජය ලලිතා මහඇමතිනිය උණ හා විජලන තත්ව මත රෝහලට රැගෙන ආ බවත් දැන් බොහෝ දුරට ඇය සුවය ලබා ඇති මුත් ලබන ඉරිදා දක්වා ඇයට රෝහලේ සිටින්ට සිදුවන බව “ එහිදී කියැවුණා.
කෙසේ වෙතත් මේ ආරංචියෙන් පසුවවත් ඇගේ ආධාර කරුවන් ඉවත්ව නොගිය අතර සිකුරාදා සහ සෙනසුරාදා රාත්‍රියේත් පාරේ සිට ඇයට තනි රකිමින් ‘අම්මාට කුමක් වේදැයි‘ සොවෙන් කල්ගත කරන බව ඉන්දියාවෙන් වාර්තාවේ.