රජය අධිවේගී මාර්ග ඉදිකිරීමේ මුවාවෙන් රටේ ප්‍රවාහන අර්බුධය උග්‍ර කරමින් සිටින බවට අපේ ශ්‍රී ලංකා ජාතික ව්‍යාපාරය චෝදනා කරයි.
ඊයේ (19) කොළඹ දී පැවතී මාධ්‍ය හමුවක දී අදහස් දක්වමින් එම සංවිධානයේ සභාපති විමුක්ති දුෂාන්ත මහතා ප්‍රකාශ කර සිටියේ පැවති ආණ්ඩුව මෙන්ම වත්මන් ආණ්ඩුව ද උපායමාර්ගික සංවර්ධනය පසකලා ජනප්‍රිය සහ විනිවිදභාවයෙන් තොර සංවර්ධන ව්‍යාපෘති තම ප්‍රමුඛතාවයේ තබා ගෙන ඇති බවයි.
එහිදී මධ්‍යම අධිවේගී මාර්ගය වැනි යාපෘති සඳහා අධික වශයෙන් ණය ගැනීම වෙනුවට පවතින මහා මාර්ග භාවිතා කරමින් ගුණාත්මක සහ සුව පහසු ප්‍රවාහන සේවාවක් ගොඩනැගිය යුතු බව ද ඒ මහතා කියා සිටියේ ය.
දක්ෂිණ සහ කටුනායක අධිවේගී මාර්ගය ඉදිකිරිම වෙනුවෙන් ඩොලර් බිලියන 2082ක් පමණ වියදම් කර ඇති මුත් වාර්ෂික ආදායම ඩොලර් මිලියන 56.25 පමණ වන අධිවේගී මාර්ග දෙකෙහි නඩත්තු ඇතුළු වියදම් සහ ණය පොලි වාරික ගෙවීමට තබා ඒ වෙනුවෙන් වියදම් කල මුදල ලබා ගැනීමට ද වසර 40ක් පමණ ගතවන බව පෙන්වා දුන්නේය.
පොදු ප්‍රවාහන සේවාව දියුණු කිරීමෙන් විනා පැලැස්තර විසඳුම් තුලින් පලක් නොවන බව එහිදී අදහස් දක්වමින් අපේ ශ්‍රී ලංකා සංවිධානයේ ලේකම් රුසිරු එගොඩගේ මහතා පෙන්වා දුන් අතර කොළඹ නගරයේ පමණක් දිනකට රුපියල් බිලියනයක් පමණ මාර්ග තදබධය හේතුවෙන් අහිමි වන බව ද පෙන්වා දුන්නේය.
මාර්ග තදබදය හේතුවෙන් මුදල් පමණක් නොව ශ්‍රම බලකායේ ශ්‍රම පැය ලක්ෂ ගණනාවක් ද අහිමි වන බව පෙන්වා දුන් ඒ මහතා බහු කාර්ය ප්‍රවාහන මධ්‍යස්ථාන, මොනෝ රේල් සහ වත්මන් ආණ්ඩුව විසින් ක්රියත්ක්මක කිරීමට යෝජනා කර ඇති සුඛෝපභෝගී බස් සේවාව වැනි ක්‍රම හරහා පොදු ප්‍රවාහනය දියුණු කල හැකි බව ද පෙන්වා දුන්නේය.
මාධ්‍ය හමුව අවසානයේ මාධ්‍යවේදීන් නැඟූ ප්‍රශ්න වලට පිළිතුරු ලබා දුන් සභාපති විමුක්ති දුෂාන්ත මහතා ප්‍රකාශ කලේ බැංකොක්, හොංකොං වැනි නගර පමණක් නොව අසල්වැසි රටවල් පවා තම රටට ගැලපෙන උපක්‍රම තුලින් පොදු ප්‍රවාහන සේවය දියුණු කරමින් සිටිය ද ලංකාවේ තත්වයය ඛේදවාචකයක් වන බවයි.
එසේම ලොරි එන්ජින් තැබූ බස් බොඩි වලින් ගුණාත්මක ප්‍රවාහන සේවාවක් බිහිකිරීම විහිළුවක් බව පැවසු ඒ මහතා පුද්ගලික බස් සමාගම් විසින් බස් මගීන් සුරා කමින් සිටින බව ද පෙන්වා දුන්නේය.
0 comments :
Post a Comment