පර්ත් උතුරු දිග Balga හි වාසය කළ 43 හැවිරිදි දර්ශිකා කුඩලිගම විතාන නමැති ගුරුවරියක මෙලෙස ඝාතනය වී තිබේ. තුවාල සහිතව රෝහල්ගත කිරීමෙන් පසු
තම සැමියාගේ අමානුෂික පහරදීමට ලක්වූ බව ඇය රෝහලට පවසා ඇත.
ඇගේ ඝාතක සැමියා වූයේ උපේන්ද්‍ර පද්මසිරි ඉහළහේවාය. මෙම යුවළ "සතුටින් විවාහ වී" සිටි බව ඇගේ හොඳම යහළුවා යයි කියන කාන්තාවක පොලිසියට කටඋත්තර දී ඇති අතර ඔවුන් දෙදෙන අතර පැවති ප්‍රහ්න ගැන කිසිවක් දැන සිටියේ නැති බවද ඇය පවසා ඇත.
"ඇත්ත වශයෙන්ම ඔවුන් සතුටින් සිටියා පර්ත්හිදී පසුගිය තුන් අවුරුද්ද එකට සිටියේ අප සමග සමීපව මෙය සිදුවිය නොහැකි දෙයක්" රුවන් වීරකෝන් නමැති මිතුරෙකු ඕස්ට්‍රේලියානු නිවුස්9 නාලිකාවට පවසා තිබුණි.
ඉකුත් ඉරිදා ඝාතනයට ලක්වූ ඇයගේ දේහය මේ වනවිට මතුගම ප්‍රදේශයේ ගම්පලාත වෙත ගෙන ඒමට කටයුතු යොදමින් තිබෙන බවද වාර්තාවේ.
පවුලේ අය හා මිතුරන් සිරුර ලංකාවට ගෙන ඒමට සූදානම් වෙමින් සිටියද, එය නිදහස් කිරීමට ටික දිනක් බලා සිටිය යුතු බව පැවසේ.
අවුරුදු 43 ක් වයසැති ගුරුවරියක ලෙස කටයුතු කළ ඇය ඇගේ සැමියා වන උපේන්ද්‍ර ඉහලහේවා සමඟ වසර හතරක කාලයක් පර්ත්හි ගත කර තිබේ. ඊට පෙර ලංකාවේ ලයිසියම් හා හොරයිසන් ජාත්‍යන්තර පාසල් වල ශරීර සුවතා ගුරුවරියකලෙස ඇය කටයුතු කර ඇත.
"උපේන්ද්‍ර සැමවිටම හොඳ සහ සන්සුන් හා නිස්කලංක පුද්ගලයෙක් මේ මරණය "විශාල අලාභයක්" ඔවුන් දෙදෙනාම ඉතාම මිත්‍රශීලීයි. මේ මරණය මහා ඛේදවාචකයක් මිතුරන් පවසා තිබේ.
සිද්ධිය පිලිබඳ වැඩිදුර විමර්ශන සිදුවේ.
සිද්ධියෙන් පසු මියගිය දර්ශිකාගේ සැමියා උපේන්ද්‍ර අත්අඩංගුවට පත්ව ඇත. ඔහු හඳුනාගැනීමේ පෙරෙට්ටුවක් සඳහා ඉදිරිපත් කර තිබෙන අතර පෙබරවාරි 11 වැනිදා ඔහුගේ ඊළඟ නඩුව ලබන තෙක් රක්ෂිත බන්ධනාගාර ගත කර ඇති බව වාර්තාවේ.
0 comments :
Post a Comment