රාජ්‍ය නිලධාරීන් නැතිනම් ආපදා දුක 'ජනපතිට කියන්න'

අයහපත් කාලගුණයෙන් පීඩාවට පත්ව කිසිදු රාජ්‍ය නිලධාරියෙකුගේ පරීක්ෂාවට ලක්නොවුණු ස්ථාන තිබේනම් "ජනපතිට කියන්න"වැඩසටහනට දැනුම්දෙන ලෙස ජනාධිපති මාධ්‍ය අංශය පවසයි.

ඒ අනුව 1919 දුරකථන අංකය ඔස්සේ ජනාධිපතිවරයාට ඒ පිළිබඳ දැනුම්දෙන ලෙස ජනාධිපතිවරයා විසින් ඉල්ලීමක් කර ඇති බව වාර්තා වේ.

මේ අවස්ථාවේ සිට එම තොරතුරු ලබාගැනීමට නියමිත බවත්, ජනාධිපති ලේකම්වරයාගේ සෘජු මැදිහත්වීමෙන් ඒ පිළිබඳ වහාම සොයා බලා කඩිනම් ක්‍රියා මාර්ග ගැනීමට නියමිත බවත් ජනාධිපති මාධ්‍ය අංශය වැඩිදුරටත් නිවේදනය කරයි.